到目前為止大部分的語言學者，專家攏認為台語的書寫文字，用漢字ｋａｐ教會羅馬字合用比較卡妥當，有濟濟作家愛用古字抑是漢字的借音字，致到寫的寫有卻讀的讀無，若是欲讀一篇文章著讀甲真艱苦，有時若用漢字的借音字讀法攏讀無相共，親像「到今你才知」著讀─ｋａｕ　ｔａｎｌｉ　ｃｈｉａｈ　ｃｈａｉ，─　卻讀　─ｔｏ　ｋｉｍｌｉ　ｃｈａｉ　ｔｉ─ 猶有真濟真笑詼的代誌。

　　尤其是寫古字掀字典掀攏無，無法度通讀，姑不二終著加跳過去，應該若是用古字歹讀的字著愛用注音勿論用羅馬字抑是ㄅㄆㄇ攏會使得，免得著互人用猜的，有時嘛猜無，特別有人愛家己創造新字，若是按呢，請ｉｎ著愛注音註解，互人讀有知影意思，ｍａｉ互人有困難，我真贊成有人ｃｈｈｏｅ古字，嘛贊成有人創造新字，擱卡希望若有一款親像羅馬字的台灣字就擱卡好，所以我用三年外的時間，考案一種將教會羅馬字符號化，擱將符號組立起來做台灣字，ｅ用法完全ｋａｐ羅馬字仝款，但字型ｋａｐ漢字相仝，所以若欲甲漢字合用就真好勢，伊ｅ功能甲日文ｅ平假名仝款，會當通做文字來用，嘛會當注音通用，擱若有歹讀抑是歹寫的字，嘛會使用職款的台灣字來用，若是加添ｄ，ｒ，ｗ，ｚ，就會當通寫日文，若再加添ｆ，ｖ，就外來語攏總會當通寫出來，因為是一種符號，所以甚物款的字攏會當通造，每一的符號攏用一劃抑是二劃來寫，通講真簡單擱真好寫，嘛會使得講真好讀，因為字型ｋａｐ漢字相仝款，會當通橫直寫。

　　若使用職款的字來做台語的書寫文字，漢字就會當減少真濟，免得浪費濟濟時間去記漢字，親像日語使用平假名，將漢字限制到一千外字而已，就會當寫文章，擱來外語、化學元素的記號，攏用原文，後面注音就好，無需要翻做漢字，會當省真濟精力來用在其他的代誌，若使用台字書寫外來語的時，母免附調號，表示是外來語，擱外來語的ｏ,ｏ’，台語字一律使用ｏ。

　　咱職馬ｔｅｈ提倡「嘴講台灣話，手寫台灣字。」嘛久猶未創造「台灣字」通做伙來用，猶久是停留在漢羅合ｅ階段。漢字確是最理想ｅ書寫文字，只是ｂｅｈ用ｔｉ台灣話有卡無夠通用。真濟「台灣話」無漢字通寫至到著用假借字，抑是用無系統ｅ新造字來使用，互咱真歹讀。若是有親像日本平假名仝款ｅ台字，來ｋａｐ漢字做伙來用就真好勢。新考案ｅ「台字」抵仔合ｔｉ職款ｅ路用。經過三年外ｅ試用，確實證明比羅馬字卡好用。有人講，嘛久著愛代先學羅馬字才會當通學這款ｅ「台字」。彼款ｅ想法是多餘ｅ親像ｔｅｈ學ㄅ，ㄆ，ㄇ，ㄈ，嘛免著愛先學會羅馬字仝款。干旦學30ｅ字母著會使。字母ｅ內底除零聲母外有17ｅ聲母符號，11ｅ原母音符號，入聲ｈ符號，擱有鼻音符號。攏總有３０ｅ符號。十八ｅ聲母排做頭前，原母音及韻尾做成韻母，聲母甲韻母合做一字「台字」。干旦案呢著會當書寫「台灣話」所有ｅ字。有合用抑無，著請大家給用看覓Ｌｅ-ｈ。不過這干旦為著閩南語所設計ｅ，若ｂｅｈ用ｔｉ客家語，抑是原住民語言，著擱加添一寡符號才會用得。

候教處：shionkhe@taioanji.com

台語書寫文字的思考

漢字需要一套音標文字